Neste Nadal, o Servizo de Igualdade oferta para as nenas e nenos de 3 a 12 anos de idade  obradoiros lúdicos «A volta ao mundo desde a mirada das mulleres»

Nun percorrido polo mundo a través da mirada das mulleres, as nenas e os nenos poderán participar na realización de 4 obradoiros: papiroflexia, animais fantásticos, modelaxe e pasaporte.

Desde o 18 ata o 30 de decembro en horario de mañana e tarde, a xente miúda poderá gozar dun espazo de entretemento e didáctica con perspectiva de xénero. Os obradoiros desenvolveranse en diferentes espazos e zonas da cidade: Teis, Bouzas, Samil, Casco Vello e zona Centro.

NORMAS XERAIS:

– Dirixido a nenas e nenos de 3 a 12 anos

– Inscrición por orde de chegada

– Prazas limitadas, grupos reducidos segundo a capacidade de cada local e atendendo ás normas de prevención e protección fronte á COVID-19

– Uso obrigatorio de máscara

– Non está permitido comer durante a participación na actividade.

Na Web do cole podedes atopar a información sobre o programa de distribución de máscaras para educación primaria.

http://www.edu.xunta.gal/centros/ceipgarciabarbon/node/448

Chegou o mar á ribeira

Datas: 16, 18, 23, 25, 30 de novembro; 2, 9, 13, 14, 16 de decembro de 2021
Horario: de 17:00 a 19:00
Lugar: edificio Mar de Vigo, planta 5ª, aula 8 (entrada pola porta da UNED, Avda. de Beiramar, 57) Ligazón a google maps
Saída: ao remate do curso haberá unha saída de campo a un areal que se concretará durante as clases

Para inscribirse debe cubrir o formulario “inscricións» no seguinte enlace https://snl.vigo.org/inscricion

📣O vindeiro venres 29 de outubro abrirase o prazo de inscrición nas escolas🎾🏀 deportivas🏈🏊 do Concello de Vigo.

As clases comezarán o 🗓️ 22 de novembro de 2021 e rematarán o 31 de maio de 2022.

Quen se pode💻 inscribir?
Todos os nados entre os anos 2003 e 2015, entre 6 e 18 anos, que cumpran os requisitos de idade para cada actividade.

https://deportes.vigo.org/

Este é o terceiro ano que dende A Anpa “ A Barxa” solicitamos as axudas destinadas a financiar actividades de promoción da igualdade e de prevención da violencia de xénero, financiadas en desenvolvemento do Pacto de Estado contra a violencia de xénero, para as asociacións de nais e pais do alumnado de centros educativos de Galicia, e xestionadas pola Secretaría Xeral da Igualdade.

Debido a boa acollida que tiveron as accións programas no programa Coeducando na Barxa 2, tanto polo profesorado como polo alumnado do CEIP García Barbón, decidiuse presentar unha proposta que supoñía unha continuidade do mesmo.

Polo que este outubro desenvolveranse os obradoiros destinados ao alumnado: Contos diversos (infantil, 1º e 2º de primaria) e Xoguemos a poetizar (3º-6º primaria). Obradoiros que levara a cabo Miguel Ángel Alonso Diz (Escritor, poeta, docente, conta contos, …), e os cales teñen como exe central a metodoloxía coeducativa e a perspectiva de xénero, traballándose a educación en igualdade dende o respecto á diferenza.

En breve anunciaremos a data da actividade para as familias.

Bos días,
Informámosvos que estamos coas listaxes de actividades extraescolares.
Dependemos da organización de grupos que fagan as empresas de extraescolares seguindo os protocolos Covid e do consello escolar que se celebrará o vindeiro martes 28.
En canto o Consello escolar aprobe os protocolos das actividades extraescolares informarémosvos se tedes praza nas devanditas actividades.