O xadrez é un xogo de lóxica e estratexia que logra entreter a todos os públicos. Con esta extraescolar, os nenos e nenas ademais de estimular a capacidade de análise, axilizan o seu sistema cognitivo e poden anticipar os movementos do adversario.
Xógase por parellas, o que lles axuda a aprender a importancia de aceptar e respectar as regras do xogo e, sobre todo, respectar ao compañeiro. Este xogo fomenta a concentración, xa que a dinámica implica estar atento aos movementos que fai o adversario e anticiparse a eles.
OBXECTIVOS
• Fomentar hábitos intelectuais que lle permitan ter un razoamento efectivo para resolver os problemas que se lle expoñan en calquera área.
• Conseguir a través da práctica do xogo o desenvolvemento da confianza, control e carácter.
• Comprender o desenvolvemento do xogo poñendo en práctica as técnicas e estratexias.
• Coñecer e respectar ao adversario.
• Desenvolver o pensamento lóxico e matemático.