O teatro ten múltiples beneficios para os nenos e as nenas en etapa escolar:
- Fomenta a súa imaxinación e creatividade.
- Favorece a expresión corporal e vocal.
- Permite experimentar, sentir e percibir distintas emocións, co cal axuda á identificación e manexo das mesmas.
- Traballa as habilidades sociais.
- Mellora a autoestima.
- Reafirma a importancia do traballo en equipo.
- Potencia a memoria.
- Promove o amor pola cultura e polas distintas expresións artísticas.
O CORPO EXPRESIVO (EDUCACIÓN INFANTIL)
Obradoiro dirixido a nenos e nenas de 3 a 6 anos de idade, onde
a expresión corporal será o centro de atención.
A finalidade non será crear unha peza de teatro senón indagar
sobre as posibilidades expresivas do corpo e a voz.
O xeito de traballalo será sempre dende o xogo, con
ferramentas como a música, a experimentación con obxectos
cotiás (teas, papel…), a mímica e o xogo simbólico.
Traballaremos con dúas temáticas principais: a natureza e as
emocións.
Un dos obxectivos é crear un espazo onde os nenos e nenas se
sintan libres de expresar e experimentar coas emocións ou
sensacións e onde o emprego do corpo sirva como vehículo de
expresión.
TEATRO DE CREACIÓN (EDUCACIÓN PRIMARIA)
A idea deste obradoiro, a partir dos 6 anos, é darlles ferramentas para
que sexan capaces de crear entre todos e todas unha peza teatral.
Dividiráse en tres bloques coincidindo cos trimestres escolares:
- Expresión corporal e vocal. (xogos expresivos, traballo coas
emocións, coa música…) - Creación de personaxes e escenas. (xogos de improvisación, de
imitación…) - Montaxe de espectáculo. (ensaios, memorización, creación de
decorado, de vestiario…)
A finalidade é ofrecer un espazo onde os nenos e nenas se sintan
cómodos e con liberdade de expresarse, un espazo de creación
colectiva.